Lëvizja Vetëvendosje ka mbajtur një konferencë për media ne te cilën është folur për Korrupsionin.

Fitore Pacolli nga kjo Lëvizje ka thënë se sapo janë kthyer nga takimi për avancimin e Kosovës për luftimin e korrupsionit për liberalizim të vizave.

“Nga ajo qe pamë aty nuk do të ketë liberalizim të vizave këtë vit pasi që vendi ynë nuk e ka përmbush kushtin themelor për luftimin e korrupsionit”, është shprehur Pacolli.

Ajo ka thënë se edhe pas presionit të deputetëve për miratim të demarkacionit kjo qeveri nuk ka ndryshuar asgjë për luftën e korrupsionit dhe krimit të organizuara.

Pacolli tutje ka shtuar se kjo gjendje e krijuar mund të kuptohet më se miri nga ndërmarrjet publike ku udhëheqësit janë anëtarë të partive politike.

“Bordet e ndërmarrjeve publike që nga paslufta janë përzgjedhur nga partitë politike dhe kjo po dëmton shtetin pasi këta persona nuk janë as të kualifikuar për pozitat adekuate”, ka thënë Pacolli.

Rastet e fundit sipas saj janë bordi i Trepçës dhe Telekomit të cilët janë antarë të partive udhëheqëse dhe janë të pakualifikar./Arbresh.info.